彭福狗主被老屈打人事件
今日我帶honey 入彭福玩一直都好開心,直到4,5點左加,我地的惡夢就發生
當時我在大樹底那邊放狗,聽到大石堆後面有人話打狗打人的聲,所以去睇下咩事
過到去時見到成日入開彭福放狗的狗主
一個男狗主,帶住一雙史納莎的
一個女狗主,帶住一隻美曲同史納莎的
反住大草埋方向話緊一對大約五六十歲的夫婦打狗打人
我就問下咩事la~男狗主就話那對夫婦打人打狗
細問之外成件事是
個女主人帶住美曲時,美曲向那對夫婦方向行過去
而個女人就大叫,美曲以為同佢玩想撲時,個男人就用戴住的帽打落美曲度,之後仲要追打美曲前後打左美曲三野
而且打到美曲叫,可想而知有幾勁~
個男主人睇唔過眼就行去話個男人仲咩打狗
個男人就話男主人關佢咩事?之後就打左男主人三下,而位置是腹腔近胃
之後個女人就話報警,仲要話男主人打佢老公,佢地兩公婆就施施然行左去仲要坐埋一邊
咁我就同埋佢地一齊搵那對夫婦睇下咩事
行到去那對夫婦就話驚狗行左出去坐,咁我地就成班狗主睇下佢地係咪報警
無幾耐有兩名警察來到,同那對夫婦落左口供,之後就過來問我地
其間我地聽到那個男人同警察講佢地是良好市民,入來行俾人打,又話拉佢的說話
因為當時警察已經講明一是就大事化小,一是就返晒差館落口供
我地已經講無問題,反而是那對夫婦就話要拉我地,話我地在公園放狗之類的說話
而最終那對夫婦無同我地say sorry就咁走,我話有咩理由打完人sorry都唔講就咁走都得?
個差佬就話佢呢d 擺到明就是皂屎忽,同佢嘈無數
之後我地嘗試想影佢地相,當然無影到,點知個主人嘈我地,仲問ar sir 如果在facebook 見到佢張相點
我地有狗主就話見到先算la~無做衰野怕咩俾人點相ar ?
成件事我覺得男主人同美曲好無辜,一心入來彭福玩是開心的的,點知無端端就俾人打,而且仲要俾人屈打人
而且更加證明一樣野,我地狗主之間唔團結就好慘
因為就呢件事來睇,當時我地唔是成班人在度俾壓力差佬,好可能佢會叫我地狗主認錯都唔出奇
而且大家幫手睇住d 狗狗,互相幫助
